Articles

支援中小企應對經濟挑戰(刊載於2019年9月25日《東周刊》)

       香港工商界面對營商環境急速轉差,中小企業更感困擾。經民聯在七月底向財政司司長陳茂波當面提交撐經濟、保就業、惠民生嘅建議。吸納業界意見後,司長回應迅速,在八月中推出一系列支援企業及減輕市民生活負擔嘅措施,預計約動用一百九十一億元,市民及中小企普遍表示歡迎。

        商界對有關政策措施嘅細節急待了解,經民聯日前舉辦一場「支援中小企應對經濟挑戰講座」,邀請到政府、銀行及財金界嘅代表,講解相關措施,解答企業喺申請手續、融資周轉等方面嘅疑難。講座宣傳時間,雖然只有一星期,但反應熱烈,吸引逾二百名工商界代表出席。

       陳茂波司長喺講座開始時致辭,表示目前本港經濟正處於內外夾擊嘅下行時期,部分中小企處於「當風位置」,「𠵱家可能八號或十號風球都唔止,可說是形勢相當險峻。」佢認為,喺這個艱難嘅時候,最重要係大家共渡時艱,攜手合力應對挑戰,因此政府在八月宣布推出一系列支援中小企嘅措施,包括幫助企業資金周轉等。佢又強調,目前特區政府要加快、加多小型工程,穩定建造業嘅就業機會,並帶動其他行業。商務及經濟發展局局長邱騰華亦到場,與各代表交流打氣。

       中小企業信貸保證計劃推出新紓緩措施,現有及新申請借款企業可以向參與計劃嘅貸款機構申請延遲償還本金最多六個月,期滿後可申請續期。咁對短期內資金周轉困難嘅企業,有實質幫助。講座上按揭證券公司、滙豐及中銀嘅嘉賓講者,對企業融資問題詳細解釋。八成信貸擔保產品推出新紓緩措施,業界期望九成信貸擔保產品可以盡快推出。

立法會盧偉國議員 博士 工程師 (工程界)
Legislative Council Ir Dr Hon Lo Wai Kwok (Functional Constituency - Engineering)