Motion Speeches

大灣區有得博?(刊載於2019年3月20日《東周刊》)

       我在北京出席全國政協十三屆二次會議,全程十來天,天天開會,非常繁忙,大會只在三月八日有一日休息,不過多位港區全國政協委員就把握難得嘅空閒時間,與三十六名來自北京大學、清華大學等八所北京高校嘅香港學生座談,面對面交流互動,話題乃「粵港澳大灣區與青年發展」!呢群同學既然選擇到北京進修,自然有興趣在內地發展。

        我鼓勵佢哋:無論將來工作地點為何,都要有全局觀念,而大灣區9+2城市在國家大政策支持下,機遇無限,的確係佢哋這一代嘅廣闊天地。其中有唸文化、藝術、體育嘅,話擔心大灣區無適合其發展嘅行業,我就解釋話大灣區固然着重「人流、物流、資金流、訊息流」互聯互通,但基本一條為「人心相通」,文化藝術體育在促使人心相通方面大有作為!

       亦有幾位唸法律與工程等專業嘅同學就關心專業資格是否獲承認,及能否在內地執業。我就舉例話中央住建部正積極考慮進一步放寬港資建築及工程企業參與內地工程建設嘅限制,具體實施工作將在CEPA框架下,按規定程序統籌進行,可見香港人才在內地提供專業服務機會將愈來愈多。呢群來自香港嘅同學朝氣蓬勃,而且滿口流利普通話,讚!

        今次座談會喺鳳凰中心舉行,乃鳳凰衛視集團在北京市朝陽區投資建設嘅一座地標建築,外貌似巨型嘅白色鳥巢,亦似一個巨大甜甜圈(Donut),確有特色,內外都非常漂亮!讚!

立法會盧偉國議員 博士 工程師 (工程界)
Legislative Council Ir Dr Hon Lo Wai Kwok (Functional Constituency - Engineering)