Motion Speeches

電子政務便民利民(刊載於2019年5月15日《東周刊》)

        為期四日嘅長三角職務訪問的確令參與嘅立法會議員大開眼界,雖然時間所限,只能考察上海與杭州兩市,但所見所聞已值得一寫再寫。

        四月廿三日上午出席「長三角區域一體化發展情況介紹會」後,下午考察團坐高鐵從上海直往杭州,約一小時就抵達,然後驅車到「杭州市民之家」參觀。呢個市民中心嘅辦事大廳,係向市民提供便捷嘅「一站式」綜合政府服務平台,開放至今已有十年時間。有二十多個政府部門喺呢處辦理各式各樣嘅具體事項,包括市民卡、住房公積金、房產證、社保醫保、婚姻登記、出入境證件、電信、燃氣、交通違法處理、車輛……等大部分涉及市民日常生活嘅手續項目。

       利用各種新科技,現時已有多種智能機器提供服務,並有各款APP便利市民應用。連市民辦理出入境證件事宜,都有自助機,讓申請者自行辦理,非常方便,咁我都要影張相留念兼讚揚啦!

       市民之家目標係做到市民辦事「最多跑一次」,甚至「一次也不用跑」。我認為Smart City最重要嘅因素係 Smart People 及 Smart Government。喺呢個「杭州市民之家」,考察團成員體會到內地電子政務發展嘅速度、普及度、便民利民、貼心貼地,係Smart嘅好例子。讚!

立法會盧偉國議員 博士 工程師 (工程界)
Legislative Council Ir Dr Hon Lo Wai Kwok (Functional Constituency - Engineering)